Dream comes true: IN SEARCH OF MY HOME...(My beloved Mother)

"Kumhlun mangtha "

Sianglo cingten tuikum,
Kumhlun cu par bang uaiin aziam rero,
Kavun ruatsal liamcia caan pawl,
Naubang katap lunglen ana anti bang,

Theithiam hlah hngai seempi unau pawlin,
Kanu tello kumliam dingcu,
Mitthli in kokir salthei laibang,
Keicu katap Nu zuun kangai....

2010 ka thinlungah sankhuk cem tiang,
Hngilh ni umlo in hmun camcin ding,
Kum hmuah hmuah lakih kum khat,
Sunghno kanu dairial ah cang hikum 2010.

Sihmansehla ka mitthli,
Liamcia zomi thil pawlcu,
Akuai mi ka lungthin hin hngilh hramseh,
Cutin lungawi ten Kumthar hmuakin.

Arawp ih akuai zo mi ka thinlung
Lungawi caan leh riahsiat caan pawl,
2010 leh kumhlun hmuah cu,,
Mangtha Kumhlun Byebye.......!

Zilthli....

THINLUNG MITTHLI HAAL

Duhdawt nak leh rinum nak,
Rinsan nak leh ngai nak thawn,
Hi ka thinlung zatial hi lo kuat 'ing,
Mitthli suupin,na lungkuai ter lo ten maw...

Aan kanhai,lung kanvai,
Arem thiamlo,kanlo sianglo,
Thending caan akim hrihlo,
Liam hrih hlah law tlanghra dangah...

Ziang ruangah maw cung zingnu,
Kantha zang fimthiam nak hlawm aw in,
Kan tuan ding Lairam hrang kanti lai ah,
Hibang lairel nak kan parah athlen ?

Na duhdawt mi rualtha,alongaitu,
Ziangtin kimah nang umla ci maw tiin,
Lung ka vai e, hi catial talhin maw,
Lo thlahliam 'ing,sianglo cingten...

MITTHLI HAAL NA RUALTHA......

Zilthli...

Maw Sunghno Kanu

Maw sung hno ka nu aw.................
Mangtha ti ta lo in in liam san maw...?

Kan lo sianglo tin in mitthli thawn maw
Na aw nem te'n voikhal tal ihun sawn awla ti'n

Maw kanu aw.. voikhat ten Na hrang ka ti thei mi pakhat te'n
I hun simsal law...na hnihsal thei nak dingah tin..
Na awnem te hngak in ka taang nem ah naubang cawi in

Hmanseh na thazang in atlin nawnlo maw in liamsan
Sunghno kanu aw liamlaw hnangam in
Na fahniang rual in kanlo thlah sianglo cingten
Tawnsal ding kan hngak hlap Van cung ram nuamah

Mangtha Mangtha Duhdawttu Sunghno kanu.....

Zilthli

" THLAPI "

Zaan khua arei thlapi sangsin,,,,
Zaan khua athim anti kei hrang vangsin e....
Natel lo tuzaan, ka hrang THLAPI tleu hleice,,
Duhmi pangpar mawite na mawi nak zaanthim in ti umlo'n
Vang sin aw maw "Ka duhdawt mi Aw MAI "

Tuzaan THLAPI vangtangah
Lungthli ka tum saduh ka that,,,,,
Tikcu caan aw her in liam zang law,,,
Ka duhmi Mai thawi kutsih leng tlang ding caan
Cui caan hngakin thlapi vangtangah Lunglengin kei lawng maw,,,,

Maw vanva aw zuangin va fehlaw,,,
" Na lungduh valpa na zuun ngai in,,,lungleen mitthli thawn'n
THLAPI vangtangah hnemtu nei lo'n
Thih ngam lunglen tuar in ,,,,
Uai hninghniange amahtelawng e " ti'n va sim aw maw...

THLAPI sangsin sin in vangsin sin aw maw..
Kei lunglen tuar pi tu ding nang lawng maw THLAPI ...

Salai Zilthli

Dream comes true

Blessed be the Name of the Lord

Sunday, November 14, 2010

IN SEARCH OF MY HOME...(My beloved Mother)

No comments:

Post a Comment

SOUL IMAGE